Banastarim Bridge Accident बाणस्तारी अपघातप्रकरणी सध्या कोलवाळ तुरुंगात असलेल्या मर्सिडीजचालक संशयित श्रीपाद ऊर्फ परेश सावर्डेकर याच्या जामीन अर्जावरील सुनावणी उद्या सोमवार 21 रोजी मुंबई उच्च न्यायालयाच्या गोवा खंडपीठासमोर होणार आहे.

गेल्या दोन आठवड्यापासून संशयित परेश कोठडीत आहे. हे प्रकरण राज्यात बरेच गाजल्याने न्यायालय त्याच्या अर्जावर कोणता निर्णय देते याकडे लोकांचेही लक्ष लागून राहिले आहे.

या प्रकरणाच्या तपासावर दिवाडीवासीयांनी संशय व्यक्त करून ते क्राईम ब्रँचकडे देण्याची मागणी केल्यानंतर सरकारने गेल्या शुक्रवारी (18 ऑगस्ट) हे प्रकरण क्राईम ब्रँचकडे वर्ग केले होते. हे प्रकरण हाती घेताच क्राईम ब्रँचच्या विशेष पथकाने नव्याने सर्व घटनास्थळांच्या ठिकाणी जाऊन पाहणी केली.

म्हार्दोळ पोलिसांनी केलेल्या तपासकामाचा आढावा या पथकातील अधिकारी घेत आहेत. संशयित परेश याच्या उच्च न्यायालयातील जामीन अर्जावरील तसेच मेघना सावर्डेकर हिच्या फोंडा अतिरिक्त सत्र न्यायालयातील अटकपूर्व जामीन अर्जावरील निर्णय काय होतो यावर पुढील तपासकाम सुरू केला जाईल.