पणजी: पूर्वेकडून वाहणाऱ्या वाऱ्यांची तीव्रता मोठ्या प्रमाणात वाढली असल्याने राज्यात किमान तापमानाचा पारा दिवसेंदिवस घटत आहे.

राज्यात किमान १८ अंश सेल्सिअस तापमानाची नोंद करण्यात आली असून सरासरी तापमानाच्या तुलनेत ३.९ अंशांनी घट नोंदविली आहे. पुढील दोन-तीन दिवस गोव्यासह उत्तर कर्नाटक आणि मध्य महाराष्ट्रात कडाक्याची थंडी पडणार असल्याचे सांगण्यात आले.

गोव्यात किमान पारा १८ ते १९ अंश सेल्सिअसपर्यंत राहणार असल्याची शक्यता हवामान खात्याने वर्तविली आहे.

कारवार, बेळगाव शहर गारठले

गोव्यासोबतच उत्तर कर्नाटकातील कारवारात थंडीचा प्रभाव अधिक असून बेळगावात देखील मोठ्या प्रमाणात थंडी पडत आहे. या भागात पुढील काही दिवस थंडी कायम राहणार आहे. मध्य महाराष्ट्रात कडाक्याची थंडी असून उत्तर प्रदेशमध्येही थंडीसह दाट धुके पडत आहे.