योगेश मिराशी

म्हापसा : 108 रुग्णवाहिकेवरील चालक तसेच महिला सहाय्यकाला कथित मारहाण केल्याचा प्रकार उघडकीस आला होता. यानंतर म्हापसा पोलिसांनी तपासाची चक्र वेगाने फिरवत मुंबई येथील एका पर्यटकास अटक केली आहे.

कळंगुट येथे अपघातानंतर संशियताच्या जखमी मित्राला इस्पितळात नेताना हा प्रकार घडला होता. मनप्रित सिंग असे संशियताचे नाव असून त्याने 108 रुग्णवाहिकेतील चालक आणि महिला सहाय्यकाशी वाद घातला होता. यावरच न थांबता त्याने दोघांना मारहाणही केली होती. या मारहाणीत रुग्णवाहिकेच्या चालकास डोक्याला दुखापत झाली आहे.