गोव्यातून लखनऊला जाणाऱ्या विमानाचा उड्डाण घेताच तोल घेल्याची घडली होती, याप्रकरणी डीजीसीएने इंडिगो विमान कंपनीकडून अहवाल मागवला आहे. दुसरीकडे कंपनीने एअर टर्ब्युलन्समुळे ही घटना घडल्याचे कंपनीने स्पष्टीकरण दिले आहे. सोमवारी (१६ जून) इंडिगोच्या विमानाने गोव्यातून लखनऊसाठी उड्डाण घेताच ही घटना घडली.

विमान लखनऊच्या विमानतळावर उतरल्यानंतर एका महिला प्रवाशाने इंस्टाग्रामवर एक व्हिडिओ पोस्ट करत घडलेल्या प्रकाराची माहिती दिली होती. महिला प्रवासी अलहमरा खान यांनी हा व्हिडिओ पोस्ट केला होता.

गोव्यातून इंडिगो कंपनीचे ६ई - ६८११ विमानाने दुपारी ३.४८ वाजता लखनऊसाठी उड्डाण घेतले. उड्डाण घेल्यानंतर विमानाचा तोल जाऊन विमान जमीनीच्या दिशेने येऊ लागले. विमान कोसळणार की या भीतीने विमानातील प्रवाशांनी जीवाच्या आकांताने आक्रोश केला, अशी पोस्ट खान यांनी सोशल मिडियावर केली होती.

यामुळे प्रवाशांमध्ये भीती निर्माण झाली. तथापि, वैमानिकाने तातडीने परिस्थिती नियंत्रणात आणली. विमान संध्याकाळी ६:०८ वाजता अमौसी विमानतळावर उतरले. त्यात १७२ प्रवासी होते.

दरम्यान, डीजीसीएने या प्रकरणाची गंभीर दखल घेत एअरलाइन्सकडून संपूर्ण अहवाल मागितला आहे. विमानात टर्ब्युलन्सचे कारण देत एअरलाइन्सने सोशल मीडियावरुन स्पष्टीकरण दिले आहे.

"टर्ब्युलन्स आल्याने विमानाला हेलकावे बसले. वैमानिकाने हुशारीने या परिस्थितीतून विमानाला नियंत्रित केले. त्याच वेळी, ही माहिती प्रवाशांना सांगायला हवी होती, जी दिली गेली नाही. भविष्यात याची काळजी घेतली जाईल," असे इंडिगोने म्हटले आहे.