Goa Accident: राज्यात रस्ता अपघातांचे प्रमाण वाढले आहे. गेल्या सोळा दिवसांत रस्ते अपघातात नऊजणांना आपला जीव गमवावा लागला आहे, तरीही भाजप सरकारला कोणतीही उपाययोजना करण्यात अपयश आल्याची टीका अखिल भारतीय काँग्रेस समितीचे गोवा मीडिया प्रभारी हर्षद शर्मा यांनी केली.

काँग्रेस भवनात शनिवारी झालेल्या पत्रकार परिषदेत ते बोलत होते. याप्रसंगी प्रदेश काँग्रेसचे सरचिटणीस विजय भिके, वीरेंद्र शिरोडकर उपस्थित होते.

शर्मा म्हणाले, 2023 मध्ये सुमारे 532 जणांना रस्ता अपघातात जीव गमवावा लागला. गेल्या वर्षी 2800 हून अधिक अपघात झाले. नवीन वर्षाच्या पूर्वसंध्येला अपघात झाले. मात्र, भाजप सरकार कोणतेही उपाय योजू शकले नाही.

भिके म्हणाले, वाहतूकमंत्री माविन गुदिन्हो हे बेजबाबदार वक्तव्य करीत आहेत. महसुलाच्या नावाखाली वाहतूक खात्याकडून जनतेची लूट सुरू आहे.

अनेक ठिकाणी उभारलेले वाहतूक सिग्नल यंत्रणा काम करीत नसल्याचेही त्यांनी यावेळी निदर्शनास आणून दिले.

Goa Politics: दोन्ही उमेदवार निवडून आणण्यासाठी पाटकर-पालेकरांची लागणार कसोटी‘अपघाताचे सरकारला गांभीर्य नाही’

वाहनधारकांकडून वाहनांच्या वेगावर नियंत्रण ठेवले जात नाही आणि सरकार सुरक्षितता देण्यात अपयशी ठरले आहे. जुन्या मांडवी पुलावर झालेला अपघात, कारने धडक दिल्याने दुचाकीस्वार वाहनावरून उडून नदीत पडला, ही घटना सरकारने तातडीने हाताळायला हवी होती. मोटारसायकल स्वाराचा मृतदेह शोधण्यासाठी यंत्रणेला दोन दिवस लागले. पुलाच्या रेलिंगची उंची वाढवण्यातही सरकारला अपयश आल्याचे हर्षद शर्मा यांनी नमूद केले.