गोवा: राज्याच्या मुख्य विद्युत अभियंता (CEE) यांच्या म्हणण्यानुसार, राज्यातील वीज पुरवठ्यावर पावसाळ्यात सर्वाधिक परिणाम होत असल्याने यावर्षी वीज विभागाने मान्सूनपूर्व कामे लवकर सुरू केली आहेत.

दरम्यान, गोवा वीज विभाग (Goa Electricity Department) सीईई, स्टीफन फर्नांडिस यांनी शुक्रवारी सांगितले की, राज्यात सध्या मान्सूनची पूर्व तयारी सुरू आहे. ते पुढे म्हणाले की, " वीज विभाग मान्सूनपूर्व देखभालीच्या कामात आहे. तसेच जानेवारीच्या सुरुवातीला काम सुरू झाले असुन. कर्मचारी ट्रान्सफॉर्मरची देखभाल करत आहेत, कर्मचारी वर्ग प्रत्येक सबस्टेशनमध्ये देखभाल करण्यात व्यस्त आहेत. राज्यात पावसाळी वातावरणात वीजेची समस्या वाढते, विजेच्या उच्च दाबामुळे अनेकांची विजेची उपकरणे निकामी होत असतात याचमुळे वीज विभागाने मान्सूनपूर्व देखभालीच्या कामाला सुरवात केली आहे.

वीजेमुळे शॉर्टसर्किट होऊन संपूर्ण घराला आग लागली

मुरगाव सडा येथील विद्याधर रामा नागवेकर यांच्या घराला मंगळवारी मध्यरात्री शॉर्टसर्किटमुळे आग लागून लाखो रुपयांचे नुकसान झाले. मात्र आगीत कोणतीही मोठी दुर्घटना झाली नाही. अग्निशमन दलाने घटनास्थळी येऊन आगीवर नियंत्रण मिळवले. मंगळवारी रात्री विजांच्या कडकडाटासह गोव्यात पाऊस (Rainfall) पडला. यामुळे संपूर्ण मुरगाव तालुक्यात विजेची समस्या निर्माण झाली होती. मंगळवारी मध्यरात्री दोन वाजता मुरगाव (Mormugao) सडा परिसरातील रहिवासी विद्याधर रामा नागवेकर यांच्या घरात वीजेमुळे शॉर्टसर्किट होऊन संपूर्ण घराला आग लागली.