फातोर्डा: कोलवा पोलिसांनी एका कारवाईत एका संशयित व्यक्तीकडून दोन बंदुका जप्त केल्या आणि बेताळभाटी येथील अल्पवयीन मुलाच्या खंडणी व अपहरणात सहभागी आरोपींला अटक केली. या प्रकरणी १३ ऑगस्ट रोजी रात्री कोलवा पोलिस स्टेशन गुन्हा नोंद केला आहे.

जुलिका फर्नांडिस ई टेलेस यांच्या तक्रारीवरून सदर पोलिसांनी संशयित आरोपीला अटक केली आहे. गोवा चिल्ड्रेन ॲक्ट कलमाअंतर्गत गुन्हा नोंदविण्यात आला आहे.बेतालभाटी येथे ८ ऑगस्ट रोजी हे प्रकरण मार्टिन्स कॉर्नर जवळ घडले होते.

संशयित आरोपी असलेल्या मार्कोस मेनिनो डिसोझा नावाच्या व्यक्तीने तक्रारदाराच्या घराचा दरवाजाला कडी लावली. तक्रारदार व तिच्या अल्पवयीन मुलाला त्यांच्या घरात डांबून ठेवले आणि त्यांना अर्वाच्य भाषेत शिवीगाळ करून गंभीर परिणाम भोगावे लागतील, अशी धमकी दिली.

तक्रारदाराकडे सात लाख रुपयांची मागणी केली आणि तक्रारदार पैसे देण्यास गेले असता आरोपी व्यक्तीने तिला अयोग्यरित्या स्पर्श केला, असे तक्रारीत नमूद करण्यात आले आहे. या प्रकरणी पुढील तपास करण्यात येत असल्याची माहिती स्थानिक पोलीस निरीक्षक सतीश पडवळकर यांनी दिली.