Goa Crime: वार्का परिसरात पोलिसांची मोठी कारवाई! सार्वजनिक शांतता भंग केल्याबद्दल १२ जण ताब्यात
मडगाव: वार्का किनारपट्टी परिसरात रात्रीच्यावेळी गोंधळ घालून सार्वजनिक शांतता भंग केल्याच्या आरोपावरून कोलवा पोलिसांनी काल रात्री १२ जणांना ताब्यात घेतले. हे बाराहीजण एका कामासाठी कंत्राटदाराने आणले होते आणि त्यांना एका ठिकाणी ठेवले होते.
काल रात्री या कामगारांमध्ये भांडण होऊन त्यांनी गोंधळ घालण्यास सुरवात केल्याने शेजाऱ्यांनी केलेल्या तक्रारीच्या आधारे त्यांना ताब्यात घेतले. त्याशिवाय आणखी २२ जणांना बेकायदेशीररीत्या वास्तव्य करून राहत असल्यामुळे पोलिसांनी ताब्यात घेतल्याची माहिती कोलवाचे पोलिस निरीक्षक सतीश पडवळकर यांनी दिली.
त्यापूर्वी १२ ऑगस्ट रोजी कोलवा किनाऱ्यावर फिरून पर्यटकांना आमिषे दाखविणारी पॅम्पलेट्स वाटल्याच्या आरोपाखाली कोलवा पोलिसांनी पाच दलालांना अटक केली हाेती. हे दलाल कोलवा किनाऱ्यावर पर्यटकांना जाहिरात पॅम्प्लेट्सचे वाटप करत होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.