Catherine Zeta-Jones: हॉलीवूड अभिनेत्री कॅथरीन झेटा-जोन्स हीने तिच्या इन्स्टाग्राम अकाऊंटवरून दोन व्हिडिओ शेअर केले आहेत. हे दोन्ही व्हिडिओ भारतातील आहेत. गेल्या दोन दिवसात कॅथरिन आणि तिचे पती हॉलीवूड अभिनेते मायकल डग्लस त्यांचा मुलगा डिलनसह गोव्यात होते.

मायकल यांचा नुकताच गोव्यातील 54 व्या इंटरनॅशनल फिल्म फेस्टिव्हलमध्ये सत्यजीत रे जीवनगौरव पुरस्काराने सन्मानित करण्यात आला. त्यानंतर आता कॅथरीन यांनी इन्स्टाग्राम अकाऊंटवरून दोन व्हिडिओ शेअर केले आहेत.

त्यातील एका व्हिडिओमध्ये त्या गोव्यातील रस्त्यावरून कारमधून जाताना दिसतात. त्यांच्या शेजारी मायकल डग्लस बसलेले दिसतात. तर कारमध्ये पुढे ड्रायव्हर शेजारी त्यांचा मुलगा डिलन बसलेला दिसतो.

तर दुसऱ्या व्हिडिओत एका सांस्कृतिक कार्यक्रमात स्टेजवर बॉलीवूड गाण्यांवर डान्स सुरू असताना एका टेबलभोवती बसलेल्या कॅथरीन या थिरकताना दिसतात. त्यांच्या शेजारी मायकल डग्लसही दिसतात. एकंदरित बॉलीवुडची गाणी त्या एंजॉय करताना दिसतात.

त्यांचे हे दोन्ही व्हिडिओ व्हायरल झाले आहेत. यासोबतच कॅथरीन यांचा एक जुना व्हिडिओदेखील व्हायरल होत आहे. त्या जुन्या व्हिडिओमध्ये कॅथरीन या चक्क इतर डान्सर्ससोबत बॉलीवूडच्या गाण्यावर डान्स करताना दिसतात.

कॅटरिना कैफच्या काला चष्मा या गाण्यावर त्या डान्स करताना दिसतात, तेही हाय हिल्समध्ये.

नव्या व्हिडिओजमुळे कॅथरिन यांचा हा जुना व्हिडिओदेखील ट्रेंडिंगमध्ये आला आहे.