काणकोण, सामाजिक आरोग्य केंद्राची रुग्णवाहिका दारात उभी असताना कोणाच्यातरी फायद्यासाठी भाड्याची गाडी वापरण्यात येत आहे, अशा तक्रारी येऊ लागल्या आहेत.
बुधवारी लसीकरणासाठीची सामग्री आणण्यासाठी रुग्णवाहिका चालक कामावर हजर झाला नाही. ही नित्याचीच बाब झाली असून यासंदर्भात तक्रारी करूनही काहीच उपयोग होत नाही, असे आरोग्य कल्याण समितीच्या पदाधिकाऱ्यांचे म्हणणे आहे.
माशे येथे अपघात झाला त्यावेळी जखमींना जिल्हा इस्पितळात नेण्यासाठी नादुरुस्त रुग्णवाहिकेचा वापर करण्यात आला व त्या रुग्णवाहिकेचे मडगावला ब्रेक निकामी झाले, अशी माहिती पुढे आली आहे.
मात्र, यासंदर्भात काणकोण सामाजिक आरोग्य केंद्राचे आरोग्याधिकारी मौन पाळून आहेत. यापूर्वी काणकोण उपजिल्हाधिकारी मधु नार्वेकर यांनी काणकोण आरोग्य कल्याण समितीचे सदस्य, नागरिक व सरकारी अधिकाऱ्यांची संयुक्त बैठक घेतली होती.
या बैठकीत काणकोण आरोग्य कल्याण समितीच्या सदस्यांनी काणकोण सामाजिक आरोग्य केंद्रात चाललेला अनागोंदी कारभार उपजिल्हाधिकाऱ्यांच्या निदर्शनास आणून देऊन आठवड्यातून एकदा तरी मामलेदार व उपजिल्हाधिकाऱ्यांनी अचानक आरोग्य केंद्राला भेटदेऊन पाहणी करण्याची मागणी केली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.