Canacona News :

काणकोण, गेले दोन-तीन दिवसांपासून पडत असलेल्या पावसामुळे झाडे वीज वाहिन्यांवर उन्मळून पडल्याने १५ खांबांचे नुकसान झाले आहे. यात खात्याला सुमारे ५ लाखांचे नुकसान झाले आहे, असे वीज विभागाचे सहाय्यक अभियंता गोविंद भट यांनी सांगितले.

आगोंद, काब द राम, गालजीबाग, पाळोळे, पोटके- पैगीण, गावडोंगरी येथे सरासरी दोन-तीन खांब तसेच वीज वाहिन्यांचे नुकसान झाले आहे, असे भट यांनी सांगितले.

काही भागांत भूमीगत वीज वाहिन्या आहेत, मात्र अंतर्गत भागात ओव्हरहेड वीज वाहिन्या आहेत त्या ठिकाणी झाडे उन्मळून पडून वीज प्रवाह खंडित होण्याच्या घटना घडत आहेत, असे भट म्हणाले.