Goa's G-TECH Multiverse Technologies Expo: राज्याची राजधानी पणजीत दोन दिवसीय आधुनिक तंत्रज्ञान संबधित प्रदर्शनाचे आयोजन करण्यात आले आहे. कॉम्प्युटर डिलर्स फोरम ऑफ गोवा यांच्या वतीने आयोजित केले जाणारे हे राज्यातील सर्वात मोठे प्रदर्शन असेल असा दावा केला जात आहे. प्रदर्शनात सहभागी होण्यासाठी नोंदणी सुरु झाली आहे.
G-Tech तंत्रज्ञान प्रदर्शन 06 आणि 07 ऑक्टोबर या दोन दिवशी मेन्झेस ब्रागांझा हॉलमध्ये भरवले जाईल. यात आयसीटी प्रोडक्ट, रोबोटीक्स, मल्टीमिडिया, ऑडिओ-व्हिडिओ, आयटी शिक्षण आणि कौशल्य, क्लाऊड कॉम्प्युटींग, आयटी प्रशिक्षण, टेलिकॉम या क्षेत्रातील प्रदर्शन पाहायला मिळणार आहे. तसेच, याठिकाणी प्रश्न मंजुषा आणि विविध स्पर्धांचे आयोजन केले जाणार आहे.
या प्रदर्शनासाठी नोंदणी सुरु झाली असून, कॉम्प्युटर डिलर्स फोरम ऑफ गोवाच्या cdfg.in या संकेतस्थळावर नोंदणी करता येणार आहे. प्रदर्शन सर्वांसाठी खुले असून, मोफत प्रवेश दिला जाणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.