कळंगुट: राज्यातील चाळीसही मतदारसंघांपैकी कळंगुटचा विकास सर्वाधिक नजरेसमोर दिसतो आहे, आमदार मायकल लोबो स्पष्टवक्ते आहेत. आपल्याला खटकलेली कुठलीही गोष्ट ते सडेतोडपणे व्यक्त करतात. त्यांच्या कार्याची पक्षाकडून योग्यवेळी योग्य ती दखल घेतली जाईल,असे मुख्यमंत्री डॉ.प्रमोद सावंत यांनी कळंगुटमध्ये सांगितले.

कळंगुट भाजप मंडळ तसेच इतर नवनिर्वाचित पदाधिकाऱ्यांचा मार्गदर्शन करताना मुख्यमंत्री बोलत होते.

यावेळी प्रदेशाध्यक्ष दामू नाईक, कळंगुटचे आमदार मायकल लोबो, कळंगुट भाजप मंडळाचे अध्यक्ष समीर चोडणकर, तसेच इतर पदाधिकारी तसेच भाजप कार्यकर्ते मोठ्या संख्येने उपस्थित होते.

भाजपचे सरकार धर्म -जातीवरून नव्हे तर लोकहिताचा विचार करून विकासाची कामे करीत आहेत, आणि म्हणूनच राज्यातील जनतेने २०१२ पासून भाजपच्या हाती सत्तेची सूत्रे सोपवली असून सतत भाजपलाच सत्तेत ठेवले आहे.

दामू नाईक, भाजप प्रदेशाध्यक्ष

भाजपसाठी तळागाळातील कार्यकर्ताही तितकाच महत्त्वाचा असल्याने कुठल्याही प्रकारचा भेदभाव अथवा मतभेद न मानता स्वताला पक्ष कार्यासाठी झोकून द्या.

मायकल लोबो, आमदार

कळंगुटचा चौफेर विकास हाच ध्यास ठेवून आपण राजकारण करीत असून विकासाआड येणारी कुठलीही गोष्ट सहन केली नाही. कळंगुट मतदारसंघातील कळंगुट, कांदोळी, नागवा-हडफडें तसेच पर्रा पंचायतींशी माझे सलोख्याचे नाते आहे.