Caculo Mall :

काकुलो मॉलसमोरील काकुलो जंक्शन ते मलनिस्सारण प्रक्रिया प्रकल्प (एसटीपी) येथील रस्त्याचे काँक्रिटीकरण आणि भूमिगत १ मीटर व्यासाच्या सुमारे ८ मीटर खोलीतून जाणाऱ्या मलनिस्सारण वाहिनीचे काम जूनमध्ये पूर्ण होणार असल्याचे ‘आयपीएससीडीएल’ने जाहीर केले आहे.

सध्या रस्त्याच्या काँक्रिटीकरणाचे अर्धे काम झालेले आहे. परंतु पुढे सांतिनेज खाडीच्या खालून वाहिनी नेण्याचे काम सध्या सुरू आहे. हे काम जोपर्यंत पूर्ण होत नाही, तोपर्यंत मलनिस्सारण प्रक्रिया प्रकल्पाला नवी वाहिनी जोडण्याचे काम पूर्ण होणार नाही. सध्या ‘आयपीएससीडीएल’चे अधिकारी आणि गोवा नगर विकास प्राधिकरणाचे अधिकारी तसेच कंत्राटदाराचे सर्व कर्मचारी या कामावर लक्ष केंद्रित करून आहेत.

वेलपॉईंट सिस्टीमचा वापर

तीनशे मीटर अंतराच्या या रस्त्याचे काम पूर्ण झाल्यानंतर सांतिनेज परिसरातील आणखी एक महत्त्वाचा टप्पा पूर्ण झाल्याचे समाधान असेल. ‘आयपीएससीडीएल’ने ३१ मेपर्यंत हे काम होणार नाही, हे आधीच जाहीर केले आहे. दरम्यान, ‘आयपीएससीडीएल’ने वेलपॉईंट सिस्टीमचा वापर नव्यानेच सुरू केला आहे.