Karnataka Accident

कर्नाटक: मंगळुरू-बंगळुरू महामार्गावर झालेल्या भीषण अपघातात पर्वरी - गोवा येथील सख्खे भाऊ ठार झाले आहेत. गोव्याहून कोइंबतूरला जात असताना बुधवारी उशीरा रात्री कार आणि मालवाहू ट्रकचा मंड्या येथे अपघात झाला. यात दोघांचा मृत्यू झाला तर दोघेजण जखमी झाले आहेत.

रोस व डॅरील वाझ (रा. आल्तो, पर्वरी-गोवा) असे या अपघातात मृत्यू झालेल्या सख्ख्या भावांची नावे आहेत. रोस आणि डॅरेल वाझ हे दोन भाऊ आणि त्यांच्यासह कारचालक नॅथन वाझ व नील फारिया प्रवास करत होते. चौघेही गोव्याहून कोइंबतूरला जात होते.

फॉर्चूनरमधून प्रवास करणाऱ्या चौघांच्या वाहनाचा मंगळुरु-बंगळुरु येथील मंड्या येथे अपघात झाला. त्यांच्या कारला मालवाहू ट्रकने जोराची धडक दिला. यात रोस आणि डॅरेल यांचा मृत्यू झाला. मिळालेल्या माहितीनुसार, कारचालक नॅथन वाझ हा डॅरील वाझ यांचा मुलगा असून, नील फारीया म्हापसा येथील प्रसिद्ध उद्योजक आहेत.