Manushi Chhillar In IFFI: 'गुलाबी साडी अन् लाली लाल...', इफ्फीत मराठी गाण्यावर थिरकली मिस वर्ल्ड Viral Video

Manushi Chhillar In IFFI

पणजी: गोव्यात बुधवारी (२० नोव्हेंबर) मोठ्या उत्साहात ५५ व्या भारतीय आंतरराष्ट्रीय चित्रपट महोत्सवाचे उद्घाटन पार पडले. महोत्सवात बॉलीवूडच्या बड्या सिने तारकांनी हजेरी लावत उद्घाटन सोहळ्याला चार चाँद लावले. यावेळी बी टाऊनच्या अभिनेत्री आणि अभिनेत्यांना विविध गाण्यांवर सादरीकरण केले.

ताळगाव येथील डॉ. श्यामाप्रसाद मुखर्जी इनडोअर स्टेडियमवर इफ्फीचा उद्घाटन कार्यक्रम पार पडला. यावेळी ‘आर्ट ऑफ लिव्हिंग’चे प्रणेते श्री श्री रविशंकर यांच्यासह बॉलीवूडमधील सिनेकलाकार उपस्थित होते.

उद्घाटन सोहळ्याला प्रसिद्ध दिग्दर्शक सुभाष घई, आर. के. सेल्वमणी, प्रसिद्ध चित्रपट निर्माते आणि गीतकार प्रसून जोशी, मानुषी छिल्लर, बोमन इराणी, अभिनेता जयदीप अहलावत, अभिनेता नागार्जुन अक्कीनेनी, आर. सरथ कुमार, राजकुमार राव, अभिनेत्री प्रणिता सुभाष, अभिनेता रणदीप हुड्डा, अभिनेत्री नित्या मेनन, सान्या मल्होत्रा, अभिनेता अभिषेक बॅनर्जी आणि अभिनेत्री भूमी पेडणेकर उपस्थित होते.

B-Town च्या उपस्थित कलाकारांनी यावेळी विविध गाण्यांवर सादरीकरण केले. भूमी पेडणेकर, मानुषी छिल्लर, सान्या मल्होत्रा, इशान खट्टर यांनी सादरीकरणात सहभाग घेतला.

मानुषी छिल्लरने यावेळी मराठी गाणे गुलाबी साडी अन् लाली लाल... या प्रसिद्ध मराठी गाण्यावर डान्स केला. मानुषीने बॉलीवूड मिक्स गाण्यावर देखील सादरीकरण केले.

इफ्फीच्या रेड कार्पेट सोहळ्याला बॉलीवूडच्या सिने तारकांनी हजेरी लावली होती. B-Town च्या कलाकारांनी रेड कार्पेटवर त्यांचा जलवा दाखवला.