फोंडा: डॉ. प्रमोद सावंत यांची सोमवारी मुख्यमंत्रिपदी वर्णी लागताच भाजप मंडळातर्फे फटाक्यांचे बार काढून सावंत यांचे फोंड्यात अभिनंदन करण्यात आले. प्रथमच रवी नाईक यांच्या रुपाने फोंड्यात कमळ फुलल्याने भाजप कार्यकर्त्यांत उत्साह दिसून येत होता.

भाजप हाच जनतेसाठी योग्य पर्याय असून, संपूर्ण गोव्याचा सक्षम विकास भाजपच करू शकतो, असे माजी नगराध्यक्ष विश्वनाथ दळवी यांनी सांगितले.

गेल्या दहा वर्षांपासून फोंड्याला मंत्रिपद मिळाले नव्हते. डॉ. सावंत सरकारात रवी नाईक यांची मंत्रिपदी वर्णी लागण्याची शक्यता आहे. रवी नाईक हे अनुभवी राजकारणी असल्याने फोंड्यातील विकास झपाट्याने होणार असल्याचे कार्यकर्त्यांनी सांगितले.