आरोसी समुद्रकिनाऱ्यावर बेदरकारपणे, निष्काळजीपणे वाहन चालवणाऱ्या पर्यटकांमुळे दोन समुद्री गुलांचा मृत्यू झाला असल्याची घटना घडली आहे. यावेळी उपस्थित स्थानिकांनी पर्यकांना याचा जाब विचारत पोलिसांना याची माहिती दिली. त्यामुळे संबंधित चालक पर्यटकांवर गुन्हा नोंद करण्यात आला आहे.

(Birds crushed by four-wheelers on Arashi Beach Goa)

मिळालेल्या माहितीनुसार आज दुपारच्या दरम्यान आरोसी समुद्रकिनाऱ्यावर एका पर्यटकांने बेदरकारपणे आणि निष्काळजीपणे वाहन चालवत समुद्री पक्ष्यांच्या अंगावर चारचाकी घातल्याने (दोन समुद्री गुलं ) दोन समुद्री पक्षांचा मृत्यू झाला आहे. त्यामुळे संबंधित पर्यटकांवर भारतीय दंड संहितेच्या कलम 188 अंतर्गत व 184 वाहन कायदा अंतर्गत गुन्हा नोंद करण्यात आला आहे.

स्थानिकांनी दिलेल्या माहितीनुसार एक चारचाकी (xuv) क्रमांक टीएस 12 ईटी 3333 हे वाहन समुद्रकिनाऱ्यावर वाहन घेणे गुन्हा असताना आरोसी समुद्रकिनाऱ्यावर आणले व यावेळी चारचाकी थेट सीगुल पक्ष्यांच्या कळपावर घातली. यात दोन सी गुल पक्षांचा मृत्यू झाला. घटना प्रत्यक्ष पाहणाऱ्या पर्यटकांसह स्थानिकांना याचा धक्का बसला.

या घटनेत सहभागी असलेल्या दोषींवर तातडीने कारवाई करण्याची मागणी नागरिकांकडून करण्यात आल्यानंतर सदर प्रकरण वेर्णा पोलिस स्थानकात पोचले.पोलिसांनी वाहन चालवणाऱ्या चालक पर्यटकांवर भारतीय दंड संहितेच्या कलम 188 व 184 अंतर्गत गुन्हा नोंदवला आहे. वेर्णा पोलिस निरीक्षक डायगो ग्रेसियस यांच्या मार्गदर्शनाखाली पुढील तपास सुरु आहे.