Fire in Cashew Farm Sattari: म्हाऊस सत्तरी येथे काल दुपारी नामदेव राणे कुटुंबियांच्या काजू बागायतीला आग लागून जवळपास 50 हजारांचे नुकसान झाले आहे. बागायतीत सुमारे तीनशेहून अधिक झाडे आहेत. दुपार दोनच्या वेळी आग लागल्याने आगीने पेट धरला.

घटनेची माहिती मिळताच वाळपई अग्निशमन जवानांनी घटनास्थळी येऊन तातडीने मदत कार्य केले. आगीत एकूण 50 हजारांचे नुकसान झाले. तर अग्निशमन दलाला 80 हजारांची काजू झाडे वाचविण्यात यश आले.

वीज वाहिन्यांत बिघाड झाल्याने आग लागल्याचे प्रथमदर्शनी दिसून आले. अग्नीशामन जवान श्रीकांत गावकर, कृष्णा नाईक, तुळशीदास झर्मेकर, महादेव गावडे, सोमनाथ गावकर, अमोल चोर्लेकर, आनंद शेटकर, रुपेश गावकर आदींनी मदतकार्य केले.

गाईला जीवनदान

कोपार्डे-सत्तरी येथील डेरी फार्म आज संध्याकाळी 5.30 च्या दरम्यान रस्त्याच्या बाजुला असलेल्या पाण्याच्या चेंबरमध्ये पडलेल्या गाडीला वाळपई अग्नीशामन दलाच्या जवानातर्फे जीवनदान देण्यात आले. यावेळी जवान कृष्णा नाईक यांनी मदत कार्य करुन गाईला चेंबरमधून सुखरुप बाहेर काढले.