डिचोली: यंदा आंब्यांना समाधानकारक बहर आल्याने बाजारात कच्च्या कैऱ्यांची आवक वाढत असून, बाजारात कैऱ्यांना मागणीही वाढली आहे. आवक वाढल्याने गेल्या वर्षीच्या तुलनेत यंदा कैऱ्या काहीशा ‘गोड’ झाल्या आहेत.
गेल्या दोन आठवडी बाजाराच्या तुलनेत बुधवारी डिचोलीत कैऱ्यांची आवक वाढली होती. आवक वाढल्याने कैऱ्यांचे दरही आता कमी झाले आहेत. गेल्या आठवड्यात ४०० ते ५०० रुपये शंभर या दराने कैऱ्या विकण्यात येत होत्या. आता हेच दर २००ते ३०० रुपयांवर आले आहेत.
पुढील आठवड्यापर्यंत बाजारात कैऱ्यांची आवक आणखी वाढण्याची शक्यता आहे, असे संकेत एक विक्रेते पुनाजी गवस यांनी दिले आहेत. गेल्या दोन-तीन आठवडी बाजारात कैऱ्या उपलब्ध होत आहेत. गेल्या आठवड्यापासून आवक वाढली आहे. आहारातील एक घटक असलेल्या कच्च्या कैऱ्या खळात घालतानाच लोणचे आदी पदार्थ बनविण्यात येतात.
सीमेलगतच्या भागातून कैऱ्या
स्थानिक भागांसह महाराष्ट्र तसेच कर्नाटक राज्याच्या सीमेलगतच्या भागातून कच्च्या कैऱ्या आज डिचोलीच्या बाजारात विक्रीस उपलब्ध झाल्या होत्या. बाजारात कैऱ्या २००ते ३०० रुपये शंभर नग या दराने विकण्यात येत होत्या.
संतुलित हवामानामुळे यंदा आंबा लागवड बहरली आहे. त्यामुळे कच्च्या कैऱ्यांचे प्रमाण वाढले आहे. पुढील आठवड्यात कैऱ्यांची आवक आणखीन वाढणार. असे महाराष्ट्रातील माटणे येथील एक विक्रेते पुनाजी गवस यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.