पणजी : पर्वरी येथे पोलिसांनी क्रिकेट सट्टेबाजीशी संबंधित छाप्यात 6 जणांना अटक केली आहे. पाकिस्तान सुपर लीग क्रिकेट सामन्यांवर सट्टा लावताना पर्वरीमधून ही टोळी रंगेहाथ पकडली गेली आहे. पोलिसांनी घटनास्थळावरून तरुणांसोबत संबंधित वस्तूदेखील जप्त केल्या आहेत. (Betting on Cricket in Porvorim News Updates)

या छाप्यात, पोलिसांनी 13 मोबाईल, 3 लॅपटॉप असा सुमारे 5 लाख रुपयांचा मुद्देमाल जप्त केला आहे. या छाप्यात 6 जणांना अटक (Arrest) देखील करण्यात आली आहे. क्रिकेट सट्टेबाजीशी संबंधित माहिती पोलिसांना मिळताच त्यांनी दखल घेत ही कारवाई केली. ज्या 6 जणांना अटक केली, त्या व्यक्ती याआधीही सट्टेबाजी करीत असल्याचा संशय पोलिसांना आहे. पोलिसांनी ही टोळी रविवारी रंगेहाथ पकडली. त्यांना जेरबंद करण्यात आले असून या प्रकरणी पोलिस पुढील तपास (Enquiry) करीत आहेत.

दरम्यान, क्रिकेटवर सट्टा लावण्याचे प्रकार अनेकदा घडत असून पोलिस (Police) कारवाईलाही हे सट्टेबाज धजावत नाहीत. त्यामुळे मटक्याचा जसा राज्यात व्यवहार चालतो, तसाच क्रिकेट खेळावर सट्टा लावण्याचा प्रकारही बोकाळला आहे.