म्हापसा: केंद्रीय निवडणूक आयोगाच्या निर्देशानुसार उपजिल्हाधिकाऱ्यांनी काढलेल्या आदेशानुसार मतदार याद्यांच्या विशेष सखोल फेरतपासणीची (एसआयआर) ड्यूटी करण्यास थिवी बोज उपकेंद्रातील साहाय्यक अभियंत्याने (एई) कथित नकार दिला.

त्यामुळे उपजिल्ह्याधिकाऱ्यांच्या आदेशानुसार कोलवाळ पोलिसांनी थेट उपकेंद्रावरून बुधवारी (दि.५) सायंकाळी त्या 'एई'स ताब्यात घेतले, विशेष बाब म्हणजे म्हापसा येथील उपजिल्हाधिकारी कार्यालयात रात्री उशिरा त्यास हजर केले, या घटनेमुळे सध्या नवीन वादाला तोंड फुटले आहे. विरोधी पक्षाने यावरून सरकारला घेरले आहे.

प्रतिसाद मिळत नसल्याचे पोलिसांनी उपजिल्ह्याधिकाऱ्यांना कळविले. मात्र कोणत्याही परिस्थितीत एईला ड्युटी जॉइंट करून घ्यायला हवीच. त्यामुळे एईला उपजिल्हाधिकारी कार्यालयात आणावे, असे स्पष्ट निर्देश पोलिसांना मिळाले होते.

दरम्यान, निवडणूक कार्यक्रमाशी जे अधिकारी जोडलेले आहेत आणि ते अत्यावश्यक सेवेत काम करीत आहेत, त्यांना त्या कामापासून सरकारने त्वरित मुक्त करावे, निवडणूक कामाकडे दुर्लक्ष केल्याने वीज खात्यातील 'जेई'ला पोलिसांनी नेले असताना, वीज मंत्री काय करीत आहेत, असा सवाल करून प्रदेशाध्यक्ष अमित पाटकर यांनी वीज मंत्र्यांनी आता अशा प्रकारांवर अभ्यास करावा, असा उपरोधिक टोला काँग्रेस प्रदेशाध्यक्ष अमित पाटकर यांनी लगावला.