Arvind Kejriwal in Mapusa Court: दिल्लीचे मुख्यमंत्री अरविंद केजरीवाल यांना म्हापसा न्यायालयाने उद्या बुधवार २९ रोजी कोर्टात हजर राहण्यासंदर्भात समन्स जारी करण्यात आला होता. माहितीनुसार, केजरीवाल यांनी २०१७मध्ये विधानसभा निवडणुकीच्या प्रचारसभेवेळी आचारसंहितेचे उल्लंघन केल्याप्रकरणी हा समन्स बजावण्यात आला.

मात्र ते न्यायालयात उपस्थित राहू शकले नाहीत. म्हापसा न्यायालयाने त्यांना आज न्यायालयात हजर राहण्यास सूट दिली. यावेळी ॲड. सुरेल तिळवे यांनी केजरीवालांची बाजू मांडली मात्र न्यायालयातर्फे केजरीवाल यांना पुढील सुनावणीला हजर राहण्याचे निर्देश देण्यात आले आहे. सदर प्रकरण 5 जानेवारी 2024 पर्यंत तहकूब करण्यात आले आहे.

'या' कारणास्तव समन्स

उपलब्ध माहितीनुसार, २०१७मध्ये म्हापसा टॅक्सी स्टँडवर झालेल्या आपच्या प्रचार सभेवेळी केजरीवाल यांनी वादग्रस्त विधान केले होते. केजरीवाल म्हणाले होते की, सर्वांकडून पैसे घ्या मात्र मतदान आप पक्षाला मतदान करा असे ते त्यावेळी म्हणाले होते. या वक्तव्याची दखल घेत जिल्हा निवडणूक अधिकाऱ्यांनी तक्रार दिली होती. त्यानुसार हे प्रकरण न्यायालयात गेले आणि आता केजरीवाल यांना याप्रकरणी समन्स जारी केला आहे.