गेल्या काही दिवसांपासून राज्यात चोरी,मारामारी, यांचे प्रमाण दिवसेंदिवस वाढत असल्याचे चित्र आहे. प्रत्येक दिवशी ठरल्याप्रमाणे खुन, मारामारी, अपघात यात गोमंतकीय आपले नुकसान सहन करतायेत. या पार्श्वभूमीवर दिनांक 29 नोव्हेंबर रोजी रात्री आरगाव, लोटली येथे बंद घर फोडल्याचा प्रकार समोर आला आहे.

(An unknown thief has stolen two lakhs from a house in Lotli)

मिळालेल्या माहितीनुसार आरगाव, लोटली येथे घरे बंद असल्याचा फायदा घेत अज्ञात चोरट्यांनी ती फोडली आहेत. यात चोरट्यांनी 1.65 लाखांच्या रोक रक्कमेसह सुमारे 1.85 लाखांचा मुद्देमाल लंपास केला आहे. यात सोन्याचे, चांदीचे दागिने ही चोरट्याने पळवले आहेत. याबाबतची तक्रार दाखल झाल्यानंतर पोलिसांनी तपास सुरु केला आहे. लवकरच संशयितांना ताब्यात घेण्यात यश मिळेल असे पोलिसांनी माहिती देताना म्हटले आहे.

दरम्यान अशाच प्रकारचा घरफोडीचा प्रकार वाठादेव - सर्वण डिचोली इथे काही दिवसांपुर्वी घडल्याचे उघड झाले आहे. यात चोरट्यांनी घरफोडी करत तब्बल 5.44 लाखांचा मुद्देमाल लंपास केला आहे. पोलिसांनी चोरट्यांचा शोध घेत असल्याचे म्हटले असले तरी हा शोध अद्याप संपलेला नाही. त्यामुळे नागरिकात आता घबराटीचं वातावरण आहे.