दिवाळीच्या पार्श्वभूमीवर केंद्र सरकारने आज देशातील 75 हजार उमेदवारांना नोकऱ्यांची नियुक्तीपत्रे दिली आहेत. यामध्ये गोवा राज्यातील 25 जणांना केंद्रीय मंत्री श्रीपाद नाईक यांच्या हस्ते 22 ऑक्टोबर रोजी नियुक्तीपत्रे प्रदान करण्यात आली. यावरुन गोवा काँग्रेस प्रदेशाध्यक्ष अमित पाटकर यांनी राज्य सरकारवर निशाणा साधला आहे.

(Amit Patkar said CM Pramod Sawant must make public details of persons recruited through PM Rojgar Mela)

मिळालेल्या माहितीवरुन पाटकर म्हणाले की, गोवा राज्यात रोजगार मेळावा आयोजित केला होता. यावेळी मुख्यमंत्र्यांनी नियुक्तीपत्रे दिली आहेत. त्यांची माहिती सार्वजनिक करावी, तसेच राज्य सरकारने दिलेली नियुक्ती कोणत्या आधारावर दिली आहे, सरकारने गोव्यातील सुशिक्षित बेरोजगार तरुणांना, उमेदवार कधी, कसे आणि कोणी निवडले हे सांगणे आवश्यक आहे. मुख्यमंत्र्यांनी ही माहिती सोशल मीडियावर पोस्ट करावी म्हणजे वस्तुस्थिती लोकांसमोर येईल असा टोला त्यांनी मुख्यमंत्र्यांना लगावला.

पुढे बोलताना पाटकर म्हणाले, मला कळले आहे की, टपाल खात्यासाठी काही लोकांची भरती झाली आहे. यात आठ ते दहा वर्षे काम केल्यांना अचानक सेवेतून काढले आहे. या सात पोस्टमनचे काय झाले, असा सवाल त्यांनी केला. यावर गोवा सरकार काय उत्तर देते पाहणे महत्त्वाचे ठरणार आहे.