पणजी: गोवा काँग्रेस पुढील विधानसभा निवडणुकीत 27 जागा जिंकणार असल्याचा दावा गोवा प्रदेश काँग्रेस कमिटीचे अध्यक्ष अमित पाटकर यांनी केला आहे. याचबरोबर लोकसभेच्या दोन जागा देखील कॉंग्रेसला मिळतील, असे ते म्हणाले.
अमित पाटकर यांनी गुरुवारी सांगितले की, “आम्ही सर्व 40 विधानसभेच्या जागांना लक्ष्य करत आहोत.” पाटकर नुकत्याच झालेल्या दोन दिवसीय ‘नव संकल्प शिबिर’ नंतर पत्रकारांना भेटले. “काँग्रेस पक्ष 2027 च्या विधानसभा निवडणुकीसाठी सर्व 40 मतदारसंघांना लक्ष्य करेल आणि निवडणुकीच्या घोषणेच्या तारखेपूर्वी उमेदवार घोषित करेल,” असे अमित पाटकर म्हणाले.
'नव संकल्प शिबिर' मध्ये मंजूर झालेल्या ठरावांबद्दल माहिती देताना, GPCC सचिव श्रीनिवास खलप म्हणाले, "2024 मध्ये दोन्ही लोकसभेच्या जागा आणि 2027 च्या गोवा विधानसभा निवडणुकीत 27 जागा कॉंग्रेस जिंकेल."
मोदी सरकारकडून सरकारी यंत्रणेचा गैरवापर होत असल्याचा आरोप करत खलप म्हणाले की, "सोनिया गांधी यांना अंमलबजावणी संचालनालयाची नोटीस पाठवण्याच्या मोदी सरकारच्या राजकीय हेतूने प्रेरित कृतीचा निषेध करण्याचा ठराव ‘नव संकल्प’ कार्यशाळेत मंजूर करण्यात आला आहे."
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.