मडगाव : अत्यंत अस्थिर आणि तेवढाच धक्कादायक निर्णय घेणारा राजकारणी म्हणून परिचित असलेले कुडतरीचे माजी आमदार आलेक्स रेजिनाल्ड लॉरेन्स यांनी तृणमुल पक्षालाही धक्का दिला आहे. अवघ्या एक महिन्यांपूर्वी काँग्रेस (Congress) सोडून तृणमुल पक्षात सामील झालेल्या रेजिनाल्ड यांनी आज तृणमूल (Trinamool) पक्षाचाही राजीनामा दिला.

कुडतरी मतदारसंघातून तीनवेळा जिंकून आलेले रेजिनाल्ड यांनी मागच्या महिन्यात तृणमुल पक्षात प्रवेश केला होता. मात्र तृणमुल पक्षात सामील झाल्यानंतर त्यांची लोकप्रियता झपाट्याने उतरू लागली होती. याच पार्श्वभूमीवर त्यानी हा राजीनामा दिला आहे. ते कदाचित पुन्हा काँग्रेस पक्षात प्रवेश करण्याची शक्यता व्यक्त केली जात आहे.