AAP Candidate : येत्या विधानसभा निवडणुकीच्या (Assembly Election) पार्श्वभूमीवर गोव्यातील पक्ष आपले उमेदवार जाहीर करत आहेत. प्रत्येक पक्षातर्फे हळूहळू उमेदवारांची नावे गुलदस्त्यातून समोर येत आहेत. याआधी आप (AAP) पक्षाने उमेदवारांच्या चार याद्या जाहीर केल्या होत्या. आज आप पक्षातर्फे उमेदवारांची आणखी एक यादी जाहीर करण्यात आली आहे. या यादीत 3 उमेदवारांचा समावेश आहे. वास्कोतून अॅड. सुनील लोरन, मांद्रेतून अॅड. प्रसाद शहापूरकर, तर पर्वरीतून रितेश चोडणकर यांना उमेदवारी जाहीर करण्यात आली आहे. (AAP announces list of candidates)

दरम्यान, 7 जानेवारी रोजी, AAP ने गोवा निवडणुकीसाठी 10 उमेदवारांची पहिली यादी जाहीर केली. त्यात भाजपचे माजी मंत्री महादेव नाईक, अलिना सलदान्हा आणि अमित पालेकर यांच्या नावांचा समावेश होता. त्याच वेळी, 9 जानेवारी रोजी 'आप'ने गोवा निवडणुकीसाठी दुसरी यादी जाहीर केली. यामध्ये 10 उमेदवारांच्या नावांचा समावेश होता. यानंतर 'आप'ने 12 जानेवारीला पाच उमेदवारांची तिसरी यादी जाहीर केली. त्यानंतर 18 जानेवारीला आम आदमी पक्षाने पाच उमेदवारांसह चौथी यादी जाहीर केली. गोव्यात एकाच टप्प्यात 14 फेब्रुवारीला निवडणुका होणार आहेत.