आगामी काळात गोव्यात विधानसभा निवडणूक होणार आहेत. याच पाश्वभूमीवर गोव्यात प्रचाराची रणधुमाळी पाहायला मिळत आहे. केंद्रीय निवडणूक आयोगाने विधानसभा निवडणूकीच्या (Assembly Election) तारखाही जाहीर केल्या आहेत. राज्यात सत्तेत असणाऱ्या भाजपला पराभूत करण्यासाठी विरोधक चांगलचे तयारीला लागले आहेत. राजकीय (Politics) नेते प्रचारसभांच्या माध्यमातून एकमेकांवर आरोप-प्रत्यारोपांच्या फैरी झाडत आहेत.

याच पाश्वभूमीवर गोव्यात भाजपचा (BJP) पराभव करण्यासाठी, आपल्या निष्ठा सिद्ध करण्यासाठी अशा स्वस्त डावपेचांची नव्हे तर शुद्ध हेतूची आवश्यकता आहे. असा प्रचार केवळ वास्तविक समस्या आणि सार्वजनिक मागण्यांपासून लक्ष विचलित करतोय. असा आरोप टीएमसीने (TMC) केला आहे. अनेक राजकीय पक्षांनी आपला जाहीरनामा सादर केला आहे. यात अनेक आश्वासने गोवेकरांना दिली जात आहेत. तसेच आरोप-प्रत्यारोपांच्या फैरी झाडत आहेत. त्यामुळे राजकीय वातावरण चांगलेच ढवळून निघाले आहे. तसेच अनेक पक्षाचे केंद्रातील नेते हे गोव्यात प्रचारासाठी गोव्यात (goa) दाखल होत आहेत.