Goa Crime नागझर येथे प्रज्योत कोनाडकर (वय - 25, रा. धारगळ) याचे अपहरण करून त्याला जबर मारहाण केल्याची घटना घडली आहे. या प्रकरणी मोपा पोलिसांनी शुभम हळदणकर (वय - २४, रा. पोरसकडे) व सागर शिरोडकर (वय- ३४ माडेल, बार्देश) या संशयितांना अटक केलीय तर दत्तराज साळगावकर (कोलवाळ) आणि अज्ञात तिघे फरारी असल्याची प्राथमिक माहिती मिळाली आहे.

या घटनेसंबंधीचे नेमके कारण समजू शकले नाही. मात्र मिळालेल्या माहिती नुसार प्रज्योत कोनाडकर याला बियरच्या बाटल्या, टाईल्स तसेच दांड्याने जबर मारहाण करण्यात आली.

प्रज्योत कोनाडकर याला सध्या उपचारासाठी म्हापसा रुग्णालयात दाखल करण्यात आले असून त्याची प्रकृती चिंताजनक असल्याची माहिती प्राप्त झाली आहे.

सविस्तर बातमी अपडेट करत आहोत.