Kulem Villege: कुळे येथील करंझोळ रेल्वे स्टेशनवर पट्टेरी वाघाचे बछडे दिसल्याने गावात भीतीचे वातावरण पसरलेले आहे. हा परिसर मोले अभयारण्याच्या अख्यातारीत येत आहे. अशा पट्टेरी वाघाचे येथे वारंवार दर्शन होत आहे.

सोनावळीनंतर दुधसागर धबधबा आणि त्यानंतर करंजोळ स्टेशन लागते. या ठिकाणी असलेले स्टेशन जरी मोठे नसले तरी रेल्वे कर्मचाऱ्यांचे वास्तव्य आहे. आज सायंकाळी 6.55च्या दरम्यान पट्टेरी वाघाचे बछडे रेल्वे स्टेशन समोरील ट्रॅकच्या बाजूने चालताना रेल्वेच्या कर्मचाऱ्यांना आढळले.

त्यांनी त्याचे मोबाईलवर चित्रण केले. हा व्हिडिओ सोशल मीडियावर व्हिडिओ व्हायरल झाला आहे. दरम्यान, मोले अभयारण्यातील वन खात्याचे अधिकारी सिद्धेश नाईक यांनी व्हिडिओची सत्यता पडताळून पाहण्यात येईल, असे सांगितले. यापूर्वी सोनावळी कुळे येथील अभयारण्यातील जंगलात सुद्धा अनेकदा अशा पट्टेरी वाघ पाहिल्याचे स्थानिकांनी सांगितले.