Goa Crime News: गोव्यात पर्यटकांचे प्रमाण वाढतेय, पर्यटन हा जरी गोव्याचा प्रमुख व्यवसाय असला तरी देखील पर्यटकांनी केलेल्या गैरव्यवहारामुळे अनेकवेळा स्थानिकांना त्रास सहन करावा लागत असल्याच्या बातम्या समोर येत आहेत. सोमवारी (दि. १७ डिसेंबर) रोजी तेलंगणाहून गोव्यात आलेल्या एका पर्यटकाने बागा समुद्रकिनाऱ्यावरील एका रिसॉर्टमध्ये महिलेसोबत गैरव्यवहार करण्याचा प्रयत्न केल्याप्रकरणी पोलिसांच्या तावडीत सापडला आहे.

तेलंगणाच्या या ५२ वर्षीय माणसाने एका महिलेचा लैंगिक छळ करण्याचा प्रयत्न केला. मधू विजय भास्कर रेड्डी असे या आरोपीचे नाव असून त्याने संध्याकाळी ४:१० च्या दरम्यान रिसॉर्टवरील रिसेप्शनच्या भागात त्याने महिलेची छेड काढायला सुरुवात केली होती.

महिलेने नकार देऊन देखील आरोपीने तिला त्याच्या खोलीत बोलावत गैरफायदा घेण्याचा प्रयत्न केला होता. पीडितेने तात्काळ या घटनेची पोलिसांमध्ये तक्रार नोंदवल्याने आरोपीला अटक करण्यात आली. सध्या पोलीस संपूर्ण घटनेचा पुढील तपास करीत आहेत.