मोरजी: भाऊसाहेब बांदोडकर यांचे स्वप्न साकार करण्यासाठी मांद्रे मतदारसंघातील जनतेने आपल्याला साथ दिलेली आहे. भाऊंची पुण्याई या मतदारसंघावर असल्याने मधलामाज-मांद्रेत भाऊंचा भव्य पुतळा उभारण्यात येईल, अशी घोषणा आमदार जित आरोलकर यांनी मांद्रेत मगोतर्फे आयोजित भाऊंच्या जयंती कार्यक्रमप्रसंगी दिली.

यावेळी मगो पक्षाचे केंद्रीय समितीचे सदस्य श्रीधर मांजरेकर, राघोबा गावडे, अमृत आगरवाडेकर, कोरगावचे माजी सरपंच सुदीप कोरगावकर, सूर्या शेटगावकर, दयानंद मांद्रेकर, उदय मांजरेकर, माजी सरपंच प्रदीप हफडफडकर, लाडजी नाईक उपस्थित होते.

आमदार जीत आरोलकर यांनी भाऊसाहेब बांदोडकरांच्या पुतळ्याला पुष्पहार अर्पण करून आदरांजली वाहिली.दयानंद मांद्रेकर म्हणाले, गेल्या पाच वर्षात केलेल्या समाज कार्याला मतदारांनी साथ दिली, त्यामुळे जीत विजयी झाले. राघोबा गावडे म्हणाले, भाऊसाहेबांप्रमाणे आरोलकर यांनी कार्य करावे. उदय मांजरेकर म्हणाले, सुदीप कोरगावकर, अमृत आगरवाडेकर यांनी मनोगत व्यक्त केले.