Babush Monserrate: उत्पल मनोहर पर्रीकर यांना भाजपमध्ये फेरप्रवेश देण्याचा निर्णय दिल्लीत झाला आहे आणि लोकसभा निवडणुकीपूर्वी त्यांना पक्षात प्रवेश दिला जाईल, या वृत्तात अजिबात तथ्य नाही, अशा शब्दांत भाजपचे प्रदेशाध्यक्ष तथा राज्यसभा खासदार सदानंद शेट तानावडे यांनी आपल्याला या विषयाची काहीच कल्पना नाही, असे सांगण्याचा प्रयत्न केला.

यापूर्वी कॉंग्रेसमधून भाजपमध्ये आठ आमदारांना प्रवेश देण्याचा निर्णयही दिल्लीत घेतला होता, त्याचीही कल्पना स्थानिक

उत्पल हे भाजपमध्ये आले तर संघटनात्मक पातळीवरील समीकरणे बदलणार, याची कल्पना असल्याने स्थानिक पातळीवर उत्पल यांचे स्वागत करण्यास अनेकजण नाखुश आहेत. उमेदवारी डोक्यात ठेवून कोणी प्रवेश करू नये, असे सांगून तानावडे हे उत्पल हे पक्षात आले तरी त्यांना पणजीतून पुढील उमेदवारी मिळेलच असे नाही, असे सांगण्याचा प्रयत्न करत आहेत.

मिळालेल्या माहितीनुसार, लोकसभा निवडणुकीआधी बरेच बदल करण्याचे दिल्लीतील नेत्यांनी ठरवले आहे. त्याची माहिती ऐनवेळी स्थानिक पातळीवर दिली जाणार आहे. यात उमेदवारीबाबत घेतलेल्या धक्कादायक निर्णयांचाही समावेश असेल, अशी माहिती मिळाली आहे.

दरम्यान, उत्पल यांनी सत्ताधारी गोटाशी अद्याप राजकीय चर्चा केली नसल्याचे स्पष्ट केले. मी कधीच विचारांपासून दूर गेलो नव्हतो आणि जाणारही नाही, असे उद्‍गारही त्यांनी काढले.