Goa Casino Robbery: कदंब पठारावरील ‘डबल ट्री’ हॉटेलमधील कॅडलिक कॅसिनोतील कर्मचाऱ्यांनी ग्राहकांशी संगनमत करून पत्त्याचा जुगार खेळताना कॅसिनो व्यवस्थापनाची लूट केल्याची तक्रार पणजी पोलिस ठाण्यात दाखल झाली आहे.

याप्रकरणी पोलिसांनी कॅसिनोतील कर्मचारी व ग्राहक मिळून १० जणांविरुद्ध गुन्हा दाखल केला आहे. काही तरुण या कॅसिनोमध्ये ग्राहक बनून आले होते. ते कॅसिनोमधील कर्मचाऱ्यांच्या ओळखीचे होते.

जुगार खेळताना त्यांनी काही पत्त्यांच्या पानांचे कोन दुमडून ठेवले होते. त्यामुळे जुगार खेळताना त्याचा फायदा कॅसिनोचे कर्मचारी या ग्राहकांना करून देते होते. त्यामुळे कॅसिनो व्यवस्थापनाला मोठ्या रकमेला मुकावे लागले.

हा प्रकार संशयास्पद वाटल्याने सीसीटीव्ही कॅमेऱ्यात हा प्रकार व्यवस्थापनाने पाहिला असता, यामध्ये कॅसिनोतील कर्मचारी ग्राहकांना मदत करत असल्याचे दिसून आले.