कदंब पठारावरील कॅसिनोचे कर्मचारी आणि ग्राहकांच्या दहा जणांच्या ग्रुपवर पणजी पोलिसांनी एकमेकांशी संगनमत करून कॅसिनो मालकाची फसवणूक केल्याप्रकरणी गुन्हा दाखल केल्याची प्राथमिक माहिती मिळाली आहे.

कदंब पठारावरील हॉटेलमध्ये असलेल्या कॅसिनोच्या कर्मचार्‍यांनी ग्राहकांशी संगनमत करून गेम खेळण्यासाठी त्यांना गुप्तपणे कार्ड दिले.

तसेच या कार्डच्या माध्यमातून रोख रक्कम जिंकायला लावल्याचा प्रकार घडला आहे. या संदर्भात रोख रक्कम नेमकी किती होती याची माहिती अद्याप प्राप्त झाली नाही. दरम्यान या घटनेचा पुढील तपास सुरु आहे.