Goa Drugs Case सध्या गोव्यात अमली पदार्थांच्या विक्री प्रकरणात वाढ होत असून कळंगुट, हणजूण, शिवोली सारख्या किनारपट्टीच्या भागातून पोलिसांकडून छापेमारी सुरु आहे.
मागील दोन दिवसांपूर्वी म्हापसा पोलिसांकडून शिवोली येथे छापा टाकण्यात आला होता.
यावेळी सूरज तोडी नामक बंगळुरू येथील व्यक्तीला ताब्यात घेण्यात आले होते. तर कळंगुट येथे छापेमारीवेळी एका पश्चिम बंगालच्या मजूराकडून 2 लाखाचा अमली पदार्थ पोलिसांच्या हाती लागला होता.
आज पुन्हा शिवोली येथे अँटी नार्कोटिक्स सेलकडून छापा मारण्यात आल्याची माहिती मिळाली आहे.
अँटी नार्कोटिक्स सेलला मिळालेल्या माहितीच्या आधारे अँटी नार्कोटिक्स सेलने आज शिवोली येथे छापा टाकला असून यावेळी मुद्देमालासह एकाला ताब्यात घेतलं आहे.
मूळ नायजेरियन नागरिक असलेला अब्दुल रौफ अब्दुल्लाही (सध्या राहणारा चापोरा) याला 60 ग्रॅम एक्स्टेसी ड्रग्जसह ताब्यात घेतला आहे.
जप्त केलेल्या ड्रग्जची किंमत 8.5 लाख एवढी असून बेकायदेशीर ड्रग्ज बाळगल्याप्रकरणी अब्दुल्लाही याला अटक करण्यात आली आहे. या संबंधी पुढील तपास चालू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.