गेल्या काही दिवसांपासून गोव्यात गुन्हाची प्रकरणे सातत्याने समोर येत आहेत. यात पुन्हा भर पडली असून आज सायंकाळच्या सुमारास राजधानी पणजी येथे एक मानवी मृतदेह पाण्यावर तरंगताना आढळून आला आहे. त्यामूळे परिसरात घबराट उडाली असून, घटनेची माहिती मिळताच पोलीस घटनास्थळी दाखल झाले आहेत.

(A body was found floating near Santa Monica Jetty at Panaji)

मिळालेल्या माहितीनुसार पणजी येथील सांत मोनिका ('Santa Monica') जेट्टीजवळ एक मृतदेह तरंगताना आढळल्याने नागरिकांनी याबाबत पोलिसांना माहिती दिली. यानंतर तातडीने पणजी पोलिसांनी दाखल होत घटना स्थळाची पाहणी केली आहे. मात्र पोलिसांना मृतदेहाबाबत पुरेशी माहिती मिळू शकलेली नाही.

पोलिसांनी तपास सुरु ठेवला असून. ही हत्या आहे की, आत्महत्या याचा तपास घेतला जात असून मृतदेहाची ओळख ही पटलेली नाही. असे पणजी पोलिसांनी म्हटले आहे.