कोरोना बाधितांच्या संख्येबाबत रोज नवनवीन आकडेवारी समोर येत असून आरोग्य विभाग सतर्क झाला आहे. त्यातच आंतरराष्ट्रीय पातळीवरील जी-20 शिखर परिषदेच्या आठ बैठका गोव्यात होत आहेत. दरम्यान गुरुवारी कोरोना रुग्णांच्या संख्येत बुधवारच्या तुलनेत वाढ झालेली दिसून आली.

आज प्राप्त झालेल्या अहवालानुसार गेल्या 24 तासात 652 चाचण्या करण्यात आल्या. त्यात 88 नवीन कोरोनाचे रुग्ण आढळून आले असून त्यापैकी 5 रुग्णांना रूग्णालयात दाखल केले आहे तर उर्वरीत 83 बाधितांना होम आयसोलेशनमध्ये ठेवण्यात आले आहे. गेल्या 24 तासांमध्ये एकूण 5 रूग्ण कोरोनामुक्त झाले आहेत.

राज्यात आत्तापर्यंत कोरोनामुळे 4014 मृत्यू झाले आहेत. गेल्या 24 तासांमध्ये कोरोनामुळे राज्यात एकाही व्यक्तीचा मृत्यू झालेला नाही हि दिलासादायक बाब आहे. राज्यात कोरोनामुक्तीचा दर 98.27 टक्के इतका आहे. राज्यात एकूण 2 लाख 61हजार 877 कोरोनारूग्ण आढळून आले होते. त्यापैकी 2 लाख 57 हजार 351 रूग्ण बरे झाले आहेत.