बार्देश : वृद्ध ८० वर्षीय महिलेवर बलात्कार केल्याची धक्कादायक घटना थिवी - माडेल येथे घडली आहे. घरात कोणी नसताना ५० वर्षीय व्यक्तीने घरात घुसून हे दुष्कर्म केले. कोलवाळ पोलिसांनी याप्रकरणी संशयित आरोपीला अटक केली आहे.

मिळालेल्या अधिकच्या माहितीनुसार, थिवी - माडेल येथे ८० वर्षीय वृद्ध महिलेवर ५० वर्षीय व्यक्तीने बलात्कार केला. घरात कोणी नसल्याचा गैरफायदा घेत संशयित व्यक्ती घरात घुसून वृद्ध महिलेवर लैंगिक अत्याचार केल्याचा आरोप करण्यात आला आहे. संशयित व्यक्ती पीडित महिलेच्या घराच्या शेजारीच राहतो अशी माहिती समोर आली आहे.

मुलगी जावई घरी आल्यानंतर उघडकीस आला प्रकार

पीडित महिलेची मुलगी आणि जावई जेवण घेऊन घरी आल्यानंतर संशयित व्यक्ती घरातून पळून गेल्याने हा प्रकार उघडकीस आला.

याप्रकरणी कोलवाळ पोलिस स्थानकात तक्रार दाखल करण्यात आल्यानंतर पोलिसांनी शनिवारी (२१ जून) सकाळी अटक केली. याप्रकरणी पोलिस अधिक तपास करत आहेत.