पणजी: राज्यात जुलैच्या पहिल्या पंधरा दिवसात तब्बल 2 लाख 18 हजार 955 जणांचे लसीकरण (Vaccination) झाले आहे. 18 वर्षांवरील सुमारे साडेअकरा लाख व्यक्तींना 31 जुलैपर्यंत कोरोनाप्रतिबंधक लसीचा पहिला डोस देण्याचा संकल्प मुख्यमंत्री डॉ. प्रमोद सावंत यांनी केला असून त्याअनुषंगाने लसीकरणाचा वेगही वाढवण्यात आलेला आहे. (2,18,955 people were vaccinated in Goa)

त्यामुळे राज्यात आत्तापर्यंत 11 लाख 37 हजार 125 जणांना लस देण्‍यात आली आहे. त्यात 9 लाख 43 हजार 155 लोकांनी पहिला डोस तर 1 लाख 93 हजार 970 लोकांनी दुसरा डोस घेतला आहे. काल गुरुवारी 10,902 जणांचे लसीकरण झाले. एका बाजूला राज्यात मोठ्या प्रमाणात लसीकरण सुरु आहे.

15 दिवसांतील लसीकरण, आकडेवारी

1. लसीकरण.............2,18,955

2. कोरोना चाचण्या.........66,034

3. नवे कोरोना रुग्ण............2652

4. बरे झालेले रुग्ण.............3099

5. कोरोनामुळे मृत्यू.............48

गुरुवारची आकडेवारी

• लसीकरण................10,902

• पहिला डोस.................5992

• दुसरा डोस..................4910

• कोरोना चाचण्या............4063

• नवे रुग्‍ण......................126

• बरे झालेले रुग्‍ण...............134

• मृत्‍यू.............................1

दरम्यान गोवा सरकारने घोषित केले आहे की ते कोविड-नकारात्मक प्रमाणपत्रांशिवाय आणि लसिकरणाचे दोन्ही डोज घेतल्याशिवाय पर्यटकांनादेखील गोव्यात प्रवेश देणार नाहीत. राज्यात कोविड इन्फेक्शनचा प्रसार रोखण्यासाठी हे कडक निर्बंध लावले जात असल्याचे मुख्यमंत्री सावंत यांनी सागितले. मात्र, गोव्यातील मुंबई उच्च न्यायालयाने सांगितले की, गोव्यामध्ये संपूर्णपणे लसीकरण केलेल्या लोकांना नोकरी व व्यवसायाच्या उद्देशाने किंवा मायदेशी परतणार्‍या गोव्यातील नागरिकांना covid-19 नकारात्मक प्रमाणपत्र आवश्यक असणार नाही.

काल गोवा विमानतळावर मुंबईहून कोविड लसीचे आणखी 17 बॉक्स आले आहे. आणि जलद कार्यवाही करत गोवा विमानतळ प्राधीकरणाने हे 17 बॉक्स राज्य सरकारकडे सुपूर्द केले आहे. राज्यात लसिकरणाला वेग आला असून 31 जुलैपर्यंत शंभर टक्के लोकांना अर्थात 18 वर्षावरील सर्वांना लस देण्याचे ध्येय गोवा सरकारने ठेवले आहे.