Goa Crime News: गोव्यात गुन्हेगारी विश्वात सतत नवनवीन घटना घडत असतात. लैंगिक अत्याचाराच्या घटनाही दिवसेंदिवस वाढताना दिसून येत आहेत. यामध्ये अल्पवयीन मुलींबाबत अशा गोष्टी जास्त प्रमाणात घडत आहेत. यातच एक माहिती समोर आली आहे.

दोन अल्पवयीन मुलींसोबत मैत्री करून नंतर त्यांच्यावर लैंगिक अत्याचार केल्याचा प्रकार समोर आला आहे.

याप्रकरणी डिचोली पोलिसांनी तीन जणांविरुद्ध कारवाई करत गुन्हा दाखल करण्यात केला आहे. दरम्यान, हे प्रकरण दोडामार्ग पोलिसांकडे सोपवण्यात आले असून याबाबत पुढील तपास सुरू आहे.

दरम्यान, पर्यटनासाठी प्रसिद्ध असलेल्या बागा येथे 18 ते 20 फेब्रुवारी दरम्‍यान एक धक्कादायक प्रकार घडल्याची माहिती समोर आली होती.

पश्‍चिम बंगालमधील एका मनोरुग्ण महिलेवर सामूहिक बलात्कार झाल्‍याची घटना उघकी आली. या प्रकरणी कळंगुट पोलिसांनी अज्ञातांविरोधात गुन्हा दाखल केला.

दरम्यान, महिलेने याप्रकरणी न्यायदंडाधिकाऱ्यांसमोर जबानी दिली आहे. महिलेने कथित सामूहिक बलात्कार प्रकरणी न्यायदंडाधिकाऱ्यांसमोर जबानी दिली असून, तिच्यावर अत्याचार झाला नसल्याचे महिलेने म्हटले आहे. त्यामुळे महिलेवर बलात्कार झाला नसल्याचे स्पष्ट झाले आहे.