गोव्यातील अमली पदार्थ तस्करीची (Drug Issue In Goa) समस्या दिवसेंदिवस गंभीर होत आहे. अमली पदार्थ विरोधी पथकाने नेवरा-करमळी रेल्वे स्टेशन (Neura- Karmali Railway Station) येथे छापा टाकून 19 वर्षीय तरूणीला अटक केली आहे. तिच्याजवळ तब्बल सहा किलो गांजा सापडला आहे.

मिळालेल्या माहितीनुसार, अमली पदार्थ विरोधी पथकाने मुस्कान रोहित कारूवा या झारखंड येथील 19 वर्षीय तरूणीला अटक केली आहे. तिच्याजवळ सहा किलो वजनाचा गांजा मिळाला आहे. पोलिसांनी हा गांजा जप्त केला असून, त्याची किंमत अंदाजे सहा लाख एवढी सांगितली जात आहे. पोलीस या प्रकरणाचा अधिक तपास करीत आहेत.

कचऱ्याचा टेम्पो गेला तळ्यात

कचरा वाहून नेणारा टेम्पो तळ्यात गेल्याची घटना सकाळी घडली. चिवार- हणजूण (Chivar-Anjuna ) येथे ही घटना घडली. रस्त्यात आलेल्या बैलाला वाचविण्यासाठी टेम्पो चालकाने केलेल्या प्रयत्नात वाहनावरील नियंत्रण सुटल्याने टेम्पो तळ्यात कोसळला. या अपघातात कोणीही गंभीर जखमी झाले नाही.