पणजी: राज्यातील घाटलगतच्या भागात दररोज सरासरी ४० ते ४५ मिमी पावसाची नोंद होत असून अपेक्षित पाऊस पडत आहे. त्यामुळे सध्या जी ३१ टक्के पावसाची तुट आहे, ती जुलैमध्ये कमी पडलेल्या पावसामुळे कायम असल्याचे गोवा वेधशाळेचे संचालक नहुष कुलकर्णी यांनी सांगितले.
राज्यात पुढील चार पाच दिवस अजूनही काही प्रमाणात पाऊस मंदावण्याची शक्यता आहे, असेही त्यांनी सांगितले.दरम्यान, राज्यात मागील २४ तासांत ८.४ मिमी पावसाची नोंद करण्यात आली. आतापर्यंत राज्यात सरासरी ६६.४१ इंच पावसाची नोंद करण्यात आली असून राज्यात ३१.२ टक्के पावसाचा तुटवडा आहे.
पुढील चार दिवस राज्यात मध्यम ते तुरळक पाऊस पडण्याची शक्यता गोवा वेधशाळेने वर्तविली आहे. दरम्यान, गेल्या काही दिवसांपासून पणजी शहरात ऊन-पावसाचा खेळ सुरू आहे. त्यामुळे नागरिकांना उष्माही जाणवू लागला आहे.
काही भागांत ९० इंचांचा टप्पा पूर्ण
राज्यातील काही भागात पाऊस आता ९० इंचाचा टप्पा पूर्ण केला आहे तर काही भागात अजून पाऊस ५० इंचाच टप्पा देखील पूर्ण झालेला नाही. राज्यात सर्वाधिक ९२.९८ इंच इतक्या पावसाची नोंद वाळपईत करण्यात आली आहे तर सर्वात कमी ४२.१६ इंच पावसाची नोंद पणजीत करण्यात आली आहे. यंदा जुलैच्या अखेरीस २४ टक्क्याहून अधिक पावसाचा तुटवडा नोंदविण्यात आला होता जो आतापर्यंतचा जुलैमधील सर्वाधिक पावसाचा तुटवडा होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
