अलीकडच्या काळात सायबर गुन्हे वाढलेत. यातील गुन्हेगार अनेकदा ज्येष्ठ नागरिकांना टार्गेट करीत असल्याचे निदर्शनास आले आहे. ज्येष्ठांच्या हतबलतेचा गैरफायदा घेतला जात असल्याचे वाढत्या गुन्हेगारीतून समोर आले आहे.

सरकार व गोवा पोलिस हे आपले संरक्षण व तब्येतीची काळजी घेण्यासाठी सदैव तत्पर आहेत. तुम्हाला कुठलीही समस्या भेडसावल्यास १०९७ या क्रमांकावर संपर्क साधावा.

म्हापशातील कार्यक्रमात आरोग्य शिबिराचे आयोजन केले होते. यावेळी मुख्यमंत्री डॉ. प्रमोद सावंत, गोवा पोलिस महासंचालक जसपाल सिंग, महानिरीक्षक ओमवीर सिंग बिश्नोई, पोलिस अधीक्षक निधीन वाल्सन, उपअधीक्षक जीवबा दळवी आदी उपस्थित होते.

यांचा सन्मान

ज्येष्ठ नागरिक दिनानिमित्त मनोहर अय्यर, मारिया इमेल्डा डिसोझा, घनश्याम नाईक, जोनिता वरावजो, सुहासिनी चोडणकर, एनजेला डोरेटी ब्रागांझा, डॉ. सचिन गोवेकर, फिन्टन डिसोझा, मोहम्मद मनीहर, जमशेद खान यांचा मुख्यमंत्र्यांच्या हस्ते शाल, श्रीफळ व स्मृतिचिन्ह देऊन सन्मान करण्यात आला.