Goa Tourism 2023: कळंगुट व परिसरातील पर्यटनात सुसूत्रता आणण्याच्या दृष्टीने कळंगुट पोलिसांनी दलालांविरोधात सुरू केलेली मोहीम तीव्र करण्यात आली असून शनिवारी रात्री करण्यात आलेल्या धडक कारवाईत 11 दलालांच्या मुसक्या आवळण्यात आल्या.

शनिवारच्या कारवाईत पोलिसांकडून ताब्यात घेण्यात आलेल्या दलालांमध्ये बहुतेक जुन्या आरोपींचाच समावेश असून त्यांना कडक शासन देण्याची मागणी होत आहे.

कळंगुट व परिसराला भेट देणाऱ्या देशी तसेच विदेशी पर्यटकांना खोटे आमिष दाखवून त्यांची लुबाडणूक करणे, त्यांना मारहाण करणे आदी प्रकार होत असल्याच्या वाढत्या तक्रारी आल्याने कळंगुट पोलिसांकडून २००२ पासून दलालांविरोधात विशेष धरपकड मोहीम हाती घेण्यात आली आहे.

मागच्या वर्षी या मोहिमेंतर्गत एकूण ४०० दलालांवर कायदेशीर कारवाई करण्यात आली होती.

यंदा आत्तापर्यंत ६०० हून अधिक दलालांच्या मुसक्या आवळण्यात आल्याचे पोलिस निरीक्षक परेश नाईक यांनी सांगितले.