T20 World Cup 2026 Schedule Announced: ज्या घोषणेची चाहते आतुरतेने वाट पाहत होते, ती घोषणा अखेर झाली. टी20 विश्वचषक स्पर्धेचे संपूर्ण वेळापत्रक आंतरराष्ट्रीय क्रिकेट परिषदेने जाहीर केले. भारत आणि श्रीलंका यांच्या संयुक्त यजमानपदाखाली ही स्पर्धा पुढील वर्षी 7 फेब्रुवारी ते 8 मार्च 2026 दरम्यान खेळवली जाईल. भारत या स्पर्धेचा गतविजेता आहे, ज्याने 2024 मध्ये बार्बाडोस येथे झालेल्या अंतिम सामन्यात दक्षिण आफ्रिकेचा पराभव केला होता.
सुरुवात: स्पर्धेची सुरुवात 7 फेब्रुवारी रोजी कोलंबो (श्रीलंका) येथे पाकिस्तान आणि नेदरलँड्स यांच्यातील सामन्याने होईल.
ग्रुप स्टेज: ग्रुप स्टेजचे सामने 7 ते 20 फेब्रुवारीदरम्यान चालतील.
सुपर 8: सुपर 8 चे सामने 21 फेब्रुवारी ते 1 मार्चदरम्यान होतील.
सेमीफायनल: दोन सेमीफायनल सामने अनुक्रमे 4 आणि 5 मार्च रोजी खेळले जातील.
फायनल: अंतिम सामना 8 मार्च रोजी अहमदाबाद किंवा कोलंबोच्या आर प्रेमदासा स्टेडियमवर खेळला जाईल.
भारत (India) आणि पाकिस्तानला एकाच ग्रुपमध्ये (ग्रुप ए) ठेवण्यात आले आहे. या हाय-व्होल्टेज सामन्याची क्रिकेट चाहत्यांना उत्सुकता असते.
तारीख आणि ठिकाण: भारत आणि पाकिस्तान यांच्यातील सामना 15 फेब्रुवारी रोजी कोलंबोच्या आर प्रेमदासा स्टेडियमवर सायंकाळी 7 वाजता खेळला जाईल.
भारताचे सामने: भारतीय संघ 7 फेब्रुवारी रोजी मुंबईत अमेरिकेविरुद्ध आपल्या विश्वचषक मोहिमेला सुरुवात करेल.
7 फेब्रुवारी: भारत विरुद्ध USA, मुंबई (संध्या. 7 वा.)
12 फेब्रुवारी: भारत विरुद्ध नामिबिया, दिल्ली (संध्या. 7 वा.)
15 फेब्रुवारी: भारत विरुद्ध पाकिस्तान, कोलंबो (संध्या. 7 वा.)
18 फेब्रुवारी: भारत विरुद्ध नेदरलँड्स, अहमदाबाद (संध्या. 7 वा.)
भारत आणि श्रीलंका मिळून टी20 विश्वचषक 2026 चे आयोजन करत आहेत. स्पर्धेतील एकूण ८ मैदाने निश्चित करण्यात आली आहेत.
भारतातील शहरे (5): मुंबई, दिल्ली, चेन्नई, अहमदाबाद आणि कोलकाता.
श्रीलंकेतील स्टेडियम्स (3): कोलंबोतील 2 स्टेडियम्स (आर प्रेमदासा स्टेडियम आणि सिंहली स्पोर्ट्स क्लब) आणि कँडी येथील पल्लेकेले आंतरराष्ट्रीय क्रिकेट स्टेडियम.
BCCI आणि PCB मधील करारानुसार: भारत आणि पाकिस्तान (Pakistan) यांच्यातील सर्व सामने 2027 पर्यंत तटस्थ मैदानांवर खेळले जाणार आहेत. त्यामुळे, पाकिस्तान आपले सर्व साखळी सामने श्रीलंकेत खेळेल. जर पाकिस्तान अंतिम फेरीत पोहोचला, तर अंतिम सामनाही श्रीलंकेतच खेळवला जाईल.
टूर्नामेंटचे स्वरुप 2024 च्या विश्वचषकाप्रमाणेच असेल.
संघ आणि गट: एकूण 20 संघांना पाच-पाच संघांच्या चार गटांमध्ये विभागले गेले.
सुपर 8 आणि उपांत्य फेऱ्या: प्रत्येक गटातील अव्वल दोन संघ सुपर-8 मध्ये प्रवेश करतील. सुपर-8 मध्ये दोन गट तयार होतील आणि त्या गटातील अव्वल दोन संघ उपांत्य फेरीत जातील.
यजमान भारत आणि श्रीलंकेसह एकूण 20 संघ स्पर्धेत सहभागी होतील. यामध्ये अफगाणिस्तान, ऑस्ट्रेलिया, बांगलादेश, इंग्लंड, दक्षिण आफ्रिका, यूएसए, वेस्ट इंडिज, न्यूझीलंड, पाकिस्तान, आयर्लंड, कॅनडा, इटली, नेदरलँड्स, नामिबिया, झिम्बाब्वे, नेपाळ, ओमान आणि यूएई यांचा समावेश आहे.
T20 विश्वचषक 2026 चे गट
ग्रुप ए: भारत, पाकिस्तान, यूएसए, नामिबिया, नेदरलँड्स
ग्रुप बी: ऑस्ट्रेलिया, श्रीलंका, झिम्बाब्वे, आयर्लंड, ओमान
ग्रुप सी: इंग्लंड, वेस्ट इंडिज, इटली, बांगलादेश, नेपाळ
ग्रुप डी: दक्षिण आफ्रिका, न्यूझीलंड, अफगाणिस्तान, यूएई, कॅनडा
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.