पणजी: महिलांच्या १५ वर्षांखालील एकदिवसीय क्रिकेट स्पर्धेतील गोव्याच्या मोहीम सलग पाचव्या पराभवासह संपली. शनिवारी त्यांना पंजाबने ९८ धावांनी हरविले. आंध्र प्रदेशमधील विझियानगरम येथे एलिट गट सामना झाला.

पंजाबने प्रथम फलंदाजी करताना ८ बाद २२९ धावा केल्या. त्यानंतर गोव्याने निर्धारित ३५ षटके फलंदाजी करताना ४ बाद १३१ धावा केल्या.

तिसऱ्या क्रमांकावरील बॅटर जोया मीर हिचे सलग दुसऱ्या सामन्यातील अर्धशतक गोव्यासाठी उल्लेखनीय ठरले. तिने ८३ चेंडूंचा सामना करताना १४ चौकारांसह ७० धावा केल्या. गोव्याची कर्णधार आर्या परब हिनेही छाप पाडताना ६३ चेंडूंत नाबाद २४ धावा केल्या.

संक्षिप्त धावफलक

पंजाब ः ३५ षटकांत ८ बाद २२९ (निष्ठा ७३, जयस्मीत कौर २२, वर्षा राणी ३५, गुणसखी ३२, विदिका सावंत ५-०-३७-०, किमया देसाई ५-०-२९-१, श्रीश्तिका शिवारकर ७-०-२९-१, कनक कोमरपंत १-०-११-०, पूजा कलेल ५-०-४३-१, आर्या परब ६-०-३३-१, निर्मिती खानविलकर ६-०-४५-२) वि. वि. गोवा ः ३५ षटकांत ४ बाद १३१ (नोरा डिसोझा ११, श्रीश्तिका शिवारकर ६, जोया मीर ७०, युवल ०, आर्या परब नाबाद २४, विदिका सावंत नाबाद ०).