पणजी: इंटरनॅशनल मास्टर (आयएम) एथन वाझ याने आर्यन चेस अकादमी व सीरियल चेस क्लब यांच्यातर्फे घेण्यात आलेल्या अखिल गोवा ब्लिट्झ बुद्धिबळ स्पर्धेत विजेतेपद पटकावले. स्पर्धेत अपराजित राहताना त्याने सर्वाधिक साडेआठ गुणांची कमाई केली.
स्पर्धा मडगाव येथे झाली. आयएम नितीश बेलुरकर आठ गुणांसह उपविजेता ठरला. कविश घारसे याला साडेसात गुणांसह तिसरा क्रमांक मिळाला, तर तेवढेच गुण झालेल्या दिल्लीच्या सुप्रियो दास याने चौथ्या क्रमांकाचे बक्षीस मिळविले. महाराष्ट्राच्या ओमकार कडव याला सात गुणांसह पाचवे स्थान मिळाले.
नीरज सारिपल्ली, जोशुआ तेलिस, तेजस शेट वेरेकर, शुभ बोरकर, देवेश नाईक, एड्रिक वाझ, अनर शायाकबेरोव, चैतन्य गावकर, यश प्रभू, अथर्व सावळ, गुंजल चोपडेकर, सरस पोवार, चैतन्य पाटील, गौरव, दत्ता कांबळी यांना अनुक्रमे सहावा ते विसावा क्रमांक प्राप्त झाला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.