पणजी: एफसी गोवा संघाने आगामी २०२६-२७ मोसमासाठी बचावफळीत नव्या फुटबॉलपटूंना सामावून घेतले आहे. रुद्र वेद मुला व सावेमे तारियांग यांना करारबद्ध केल्याची माहिती क्लबने रविवारी दिली.

रुद्र हा सेंटर-बॅक, तर सावेमे लेफ्ट-बॅक जागी खेळतो. या दोघांविषयी संघाचे मुख्य प्रशिक्षक गौरमांगी सिंग यांनी या दोन्ही खेळाडूंशी केलेल्या करारबद्दल आनंद व्यक्त केला. दोघेही तरुण व मेहनती असून त्यांच्याकडे उत्तम कौशल्य आहे, तसेच प्रगती साधण्याची कौतुकास्पद वृत्ती आहे.

दोघांतही शिकण्याची तीव्र इच्छा आहे. त्यांच्या विकासासाठी आणि क्षमता प्रदर्शित करण्यासाठी एफसी गोवा संघ आदर्शवत आहे. ते नक्कीच सकारात्मक योगदान देतील याची आम्हाला खात्री आहे.

एफसी गोवाशी करारबद्ध होण्यापूर्वी रुद्र व सावेमे यांनी गतमोसमात इंडियन फुटबॉल लीग (आयएफएल) स्पर्धेत मेघालयातील शिलाँग लाजाँग एफसीचे प्रतिनिधित्व केले होते.